Sipërmarrësi

Pas përfundimit të studimeve, në vitin 1974 Behgjet Pacolli kthehet në Kosovë për tu punësuar si Korrespondent për gjuhë të huaja dhe zëvendësdrejtor për zhvillim pranë Kombinatit të Tekstilit, Gjilan. Këtë pozicion ai e mbajti deri në vitin 1975 nga ku është larguar edhe njëherë nga Kosova drejt perendimit dhe zhvillimit të karrierës.

Nga viti 1976 deri në vitin 1980 Behgjet Pacolli ka mbajtur pozicione të rëndësishme menaxheriale nëpër disa kompani si Drejtor komercial për zhvillim rajonal i Kompanisë Peter Zimmer, Kufstein Austri dhe pastaj Drejtor komercial në kompaninë Interplastica Project Engineering në Morbio Inf. Zvicër.

Pas sukseseve si drejtor komercial në kompaninë Interplastica, ai emërohet drejtor gjeneral i saj. Sukseset e Behgjet Pacollit si menaxheri i përgjithshëm i kësaj kompanie ishin evidente.

Gjatë periudhës 10 vjeqare si udhëheqës i kompanisë Interplastica, ai arrin që të dhjetëfishojë xhiron vjetore të kompanisë. Kështu Interplastica shëndërrohet në një gjigand të inxhinieringut duke arrit xhiron miliardëshe në fillimin e viteve 90-ta.