Lajmet e fundit

Fjala e zotit Behgjet Pacolli në cermoninë e dekorimit me Urdherin e Lartë të Shqipërisë ‘Nderi i Kombit’

I dashur president i vendit, SHKËLQESIA E TIJ Bujar Nishani, Të dashur miq nga institucionet e shtetit të Shqipërisë- parlamenti, qeveria, Miq nga Kosova dhe familjarë të mij, Kam marrë shumë...

Behgjet Pacolli pritet në Tiranë nga ish Presidenti i Shqipërisë Sali Berisha.

Gjatë qëndrimit në Tiranë me rastin e marrjes së titullit më të lartë “Nderi i Kombit”, ish Presidenti Behgjet Pacolli, i shoqëruar nga dy kryetarët e komunave të Gjakovës dhe Mitrovic...

Mirënjohja e qytetit të Tiranës” I jepet z Behgjet Pacolli nga kryetari bashkisë Lulëzim Basha

Gjatë qëndrimit në Tiranë me rastin e dekorimit të tij me Urdhërin më të Lartë “Nderi i Kombit”, zotëri Behgjet Pacolli u takua me kryebashkiakun dhe kreun e Partisë Demokratike, Lulëz...

Presidenti Nishani vlerëson Behgjet Pacollin me Dekoratën “Nderi i Kombit”

Presidenti i Republikës, Sh.T.Z. Bujar Nishani i akordoi sot, gjatë një ceremonie të zhvilluar në mjediset e Presidencës, zotit Behgjet Pacolli Dekoratën “Nderi i Kombit” me motivacionin ...

Pacolli sipas një të riu të Shqipërisë

Nga Oriola Musa, *MA Ekonomi Politike, Montpellier France. Doktorante UET Ndërsa pamjet e shqiptarëve nga Kosova që ikin nga vendi janë bërë pamje botërore, si e specializuar për ekonomi dhe ...

Intervista e fundit

Statusi i fundit në Facebook

  • Për disa që shpifin duke thënë se më nderoi vetëm një krah i politikës doja t'i përkujtoja diçka. Miku im Edi Rama nuk mori pjesë në këtë nderim sepse gjendej në Rumani. Por dua t'ju përcjell disa mesazhe të tij nga një dekorim imi i paradokohshëm.

    - Fjalimi nga Edi Rama -

    Të them të drejtën, erdha me gëzim, se thashë, të paktën një herë do dëgjoj dhe nuk do të flas. Por, nga ana tjetër, mendoj që është privilegj, të thënit dy fjalë për këtë rast që na ka mbledhur së bashku, duke e nisur nga proverbi që solli Behgjeti këtu se ‘Nuk ka Profet në Fshatin e vet’ dhe duke shkuar më tutje, me çka unë kam menduar gjithmonë, por më intensivisht përpara disa ditësh, kur ishim me Behgjetin në Kazakistan e ku pata mundësinë të vizitoj disa nga veprat e tij të mëdha e të takoj disa nga mijëra shqiptarët e Shqipërisë dhe Kosovës që punojnë në kantieret mbresëlënëse të Astanës, një kryeqytet i ngritur nga e para qysh prej vitit 2000.

    Ajo çka kam mendur e dua të them është: ç’e shtyn këtë njeri, që siç e tha dhe vetë, është në kulmin e një suksesi të ëndërruar fort dhe për të cilin ka luftuar gjithë këtë pjesë të jetës, si sipërmarrës që ka ngritur një ndërmarje globale e cila punon me 30 monedha të ndryshme e në të cilën fliten 40 gjuhë, që të kthehet andej nga u nis, në fshatin e vet e të marrë përsipër t’i hyjë detit në këmbë duke u marrë me politikë në një pjesë të trojeve shqiptare. E theksoj këtë “Duke u marrë me politikë shqiptare”, që është një lloj ushtrimi shumë i veçantë për ata që merren me politikë në përgjithësi.

    Sigurisht që është një rast unikal sa i përket asaj që përbën diferencën jonormale midis një jete jashtë fshatit dhe një jete brenda tij. Besoj që përgjigjen, në një farë mënyre, mund të na e japë ajo çka Salvador Dali u tha akademikëve të Francës kur i dhanë titullin e madh të Anëtarit të Akademisë, me një pompozitet të jashtëzakonshëm: “As ky titull nuk ma shëron kuriozitetin për sa më duan në fshatin tim”. Dhe kjo është arsyeja kur njeriu e di që s’ka profet në fshatin e vet, prapë së prapë, sado larg e lart të shkojë e sado i suksesshëm të jetë, në fund të rrugës ka gjithmonë këtë kuriozitet të pashërueshëm: “Sa e duan në fshatin e vet” Dhe Behgjeti është kthyer në fshatin e tij për të dhënë, jo për të marrë. Por edhe për të marrë diçka që njerëzit në jetën e përditshme të kësaj bote të konsumit rëndom e harrojnë dashurinë e fshatit të tyre.

    Behgjet, nuk e di nëse precedenti që unë e mora këtë titull kur isha kryetar bashkie, e sot jam kryeministër, do vlejë dhe për ty pas ca vitesh. Sot e merr si zëvendës-kryeministër, por jam i bindur që, çfarëdo titulli që ti të marrësh, asgjë nuk do të ta shërojë deri në fund të jetës kuriozitetin tënd se sa do të të duan, deri në fund, në fshatin tënd. Politika është një rrugë për ta testuar këtë dashuri, por kam frikë se është një rrugë qorre, që nuk ta jep përgjigjen. Ajo që do të mbetet në fund, është vepra e secilit dhe besoj se tanimë Behgjet Pacolli e ka lënë veprën e vet. Dhe nderi që i bën Universiteti apo Co-PLANi-se e njëjta gjë është-siç do të thoshte dikush-duke i dhënë këtë çmim është se hapur i jep të gjithëve mundësinë, të shikojnë atë që Behgjeti, fatkeqësisht, thuajse gjithmonë, ia ka fshehur si me një kompleks faji fshatit të vet, se sa i madh është dhe se çfare suksesi ka arritur të bëjë në një botë jashtëzakonisht të ngatërruar dhe të vështirë me 40 gjuhë. Kjo është hera e parë që flitet për Behgjet Pacollin, jo vetëm si një milioner i radhës i ngarkuar me hijet e dyshimta të së shkuarës që vjen për të zhvatur nëpërmjet politikës komunitetin e vet, por si një njeri që zbret nga një majë shumë e lartë suksesi në fshatin e vet, për t’i dhënë atij pak nga suksesi i tij.

    Unë jam shumë i privilegjuar që jam ndër miqtë e Behgjet Pacollit. E kam ndier këtë qysh ditën e parë që e kam njohur, pasi kam njohur veprën e tij. Sot ky është një titull më shumë, dhe asgjë më tepër sesa një titull më shumë, por përtej gjithë titujve, Behgjet Pacolli ka vlerën e të mospyeturit për faktin se nuk ka profet në fshatin e vet. Kurajo paç, e jetofsh deri në fund me këtë trimëri, që pavarësisht se s’ta njeh kush atë që bën, ta bësh deri në fund.


    Rama: Behgjet Pacolli, një njeri i madh në shërbim të vendit të tij
    www.tiranaobserver.al
    Kryeministri Edi Rama mori pjesë sot pasdite në ceremoninë e organizuar nga Universiteti POLIS, me rastin e dhënies së çmimit special “Lidershipi Shqiptar 2014”, Kryetarit të Aleancës për Kosovën e Re, Behgjet Pacolli. Behgjet Pacolli vlerësohet nga Co-PLAN për angazhimin në njohjet e Kosovës në bot…